Pormal na nga mihulip isip bag-ong Provincial Director si PSSUPT. Raul Mendita Tacaca, dinhi sa probinsya sa Zamboanga del norte.
Kagahapon gipahigayon ang turn over Ceremony didto sa may Camp Hamac, Sicayab, ning atong dakbayan sa Dipolog.
Gipulihan ni PSSUPT. Tacaca si Provincial Director PSSUPT. Edwin Buenaventura Wagan nga nahimong director sukad pa niadtong Disyembre 12, 2015 hangtod niadtong Agosto 25, 2017.
Kahinumduman nga nahimong full pledge provincial director si Wagan dinhi sa atong probinsya dili palang dugay.
Sulod sa isa ka tuig ug siyam ka bulan, sakit para sa iyang kaugalingon ang pag biya sa atong probinsya apan usa ka dakong welcome development para sa iyang kaugalingon matod pa ni PSSUPT. Wagan.
Dugang pa niya nga daghan pa unta siya ug mga plano nga iyang pagabuhaton apan dili na kini mahinayon tungod kay mabalhin na siya.
Gani masulob-on si Wagan sa iyang mensahe kagahapong adlawa atol sa pag turn over, duha lang ang nahimong pulong ni Wagan mao ang “Thank you, Zamboanga del norte and the hardest things to say goodbye”.
