Bag-ong PRRD list walay taga GSCPO sumala ni Col. Lagradante

General Santos City—Gikumperma ni Police Col. Aden Lagradante, City PNP Director sa General Santos City Police Office nga walay sakop niini nga nalakip sa bag-ong Narco-List nga gipagula ni Presidente Rodrigo Duterte.

Sumala pa niini nga walay Police sa GSCPO nga nalakip sa gipatawag sa Camp Crame aron nga magpailawom sa imbistigasyon tungod kay nalakip ang ilahang pangalan sa mga Police nga gidudahang nagapayuhotan, nagagamitan ug protector sa iligal nga droga.

Sa pikas bahin gikabutyag usab sa opisyal nga bisan dili na pangalanan ni Pres. Duterte ang mga Police nga nalakip sa iyahang listahan masayran gihapon kini sa katawhan tungod kay ang tanang anaa sa listahan ang gipatawag gilayon aron nga mag report sa kampo Crame.


Apan mas maayo matud pa kini nga pamaagi tungod kay sa hamubo nga panahon gilayong mahinluan sa mga pulis ang ilahang pangalan ugaling man nga wala gyud silay kalambigitan sa iligal nga droga.(Dave Silagan)

Facebook Comments