General Santos City–Malipayong gibutyag ni Police Regional Office 12, Regional Director Police Brig. Gen Alfred Corpus nga negatibo sa presensya sa iligal nga droga ang 94 ka mga opisyal sa police sa PRO-12 human nga surpresang gipa-ilawom ang mga nahisgutan sa surprise drug test niadtong milabay nga adlaw sa kampo sa PRO12.
Sumala pa ni Gen. Corpus nga siya ug ang tanan niyang mga city ug provincial director ingon man mga chief og police ug personahe sa Police Regional Office 12 ang gipailawom sa maong drug test kung asa nalipay kini tungod kay negatibo sa droga ang mga nasampit , pasabot matud pa limpyo ang mga Police officer sa PRO 12.
Dugang pa niini nga gi-atol matud pa niya ang pagpahigayon ug drug test sa ilahang command conference kung asa sa dihanag anaa na sa sulod ang tanang mga opisyal iyahang gipasirad-an ang pultahan ug gipa-submit ang tanan sa ilahang mga urine aron nga maoy gamiton sa drug test.
Parti gihapon kini sa nagpadayong internal cleansing sa pamunuan sa PNP kung asa wala matud pay lugar ang mga pulis sa rehiyon nga na-involve sa paggamit ug ginadili nga droga.(Dave Silagan)
