Epektibo na ugmang adlawa, Disyembre 7 ning tuiga ang ipatumang bag-ong premium rates sa PhilHealth.
Una nang gi-anunsyo sa PhilHealth ang bag-ong premium contribution schedule tungod sa implementasyon ng Universal Health Care Law.
Sa interview sa RMN ngadto kang Meryln Ybañez ang information officer sa Philhealth region 10 gibutyag niini nga ang bag-ong adjustment ipatuman sa tanang mga direct contributors.
Ang direct contributors mao kadtong aduna nay mga trabaho, sa pribado o pampublikong buhatan, adunay mga negosyo o kinaugalingong trabaho, professionals, Kasambahay ug land based OFW’s.
Matud ni Ybañez nga adunay 2.75% nga pagtaas depende sa sweldo gidawatan.
Gipasabot ni Ybañez kung ang usa ka empleyado mukita sa diyes mil kada bulan ug adunay monthly premium na P275, mutaas kini sa 300 pesos sa tuig 2020.
Naka-bracket usab ang bag-ong sistema nga sigun sa sweldo sa usa ka trabahante.
Alang sa mga musweldo sa P10,000 hangtod pataas, makabaton kini sa P300 hangtod P1,800 nga kaltas; samtang ang mga mikita usab sa binulan sa P60,000 pataas makabaton na sa P1,800 nga kaltas pataas.
Nag-unang tumong sa pagtaas sa bayad o kontribusyon sa Philhealth mao nga matugunan ang pagpatuman sa UHC ug pagpalapad pa sa benepisyo sa tanang nagbayad sa PhilHealth.
