Gipa-imbestigahan ni City Councilor George Goking ang bag-ong scam sa Cagayan de Oro nga ang mga biktima pulos senior citizens.
Gusto ni Goking nga imbistigahan sa Committee on Senior Citizen ni Councilor Roger Abaday ang reklamo ni Jessie Legaspe batok ni Cres Shiela Nilleskin nga kanhi empleyado sa City hall.
Basi sa report ni Legaspe sa Cogon Police Station, nagbutyag nga si Nilles nangolikta sa tag 300 pesos kada senior citizen, sabay pasalig nga pag-abot sa usa ka bulan ang mga senior citizens sa Cagayan de Oro makadawat sa 12-thousand pesos gikan sa ilang gi-invest nga 300 pesos.
Matud ni Goking nga iyang gusto masayran sa imbestigasyon sa committee ni Abaday unsa-on ni Nilles ang pagpatubo sa 300 pesos nga capital sa mga senior citizens.
Kay matud ni Goking nga kon ingon niini ang kadako sa tubo sa 300 pesos nga Capital sa mga senior citizens klaro kini nga eskandalo dinhi sa Cagayan de Oro.
