Bangud sa pila ka mga finacial problem, eaeaki nagbigti-patay

29

Altavas, Aklan — Patay rong sangka eaeaki matapos nga magkomitar it suicide pinaagi sa pagbigti sa Sitio Sapa, Brgy. Cabangila, Altavas, Aklan.
Ro biktima nakilaea kay Raffy Penida Clarite, 25-anyos ag residente it nasambit nga lugar.
Sa progress report it Altavas MPS kaina hay nag adto sa andang station si Roselo Dela Cruz, 43-anyos ag residente it Sitio Cabangahan sa nasambit nga barangay ag nag report nga andang nadiskubrehan ro biktima sa sueod it anang baeay nga uwa eon it kabuhi ag ginapatihan nga nagsuicide.
Insigida nag responde rong kapulisan ag pag abot sa lugar nakita nanda nga nagahamyangon ro biktima ag uwa eot it kabuhi ag may nakahigot nga nylon cord sa liog pero raya hay nabugto ag ro kaputoe hay nakita nga nakahigot sa trusses it anang baeay.
Gindaea pa it mga taga MDRRMO Altavas sa Altavas District Hospital rong biktima pero gindeklara nga patay.
Samtang sa ginpatigayon nga follow up it RMN News Team sa lugar nasayuran kay Police Major Kenneth Paniza ro OIC it Altavas MPS nga bangud eang gid eamang sa financial problem ro dahilan dahil nga may mga pautang ro biktima nga kung sa siin nagpalitik imaw ra it ueo ko pilang adlaw bago natabo ro insidente kung paano imaw maka koleta bangud nasamad ro anang cellphone ag ro anang nobya hay naga trabaho man sa guwa it nasyon rason nga nagdugang ra sa anang gina isip kon paano maka communicate.
Mga 3 weeks man bago natabo rayang insidente hay nabatian nga naga muno imaw nga maga bigti kon uwa imaw it kwarta nga pangbakae it cellphone pero uwa mat a rato pag intindiha ko anang mga kapamilya pero natuman ro anang ginhambae.
Samtang nakipag angotan man it News Team ro tiya it biktima nga suno kana kabii nagkita sanda it biktima ag nahangawa raya bangud nga ginhakos gid imaw it hugot ko biktima ag nag hambae nga ikaw lang mana te bahala maghambae sang nobya bangud nga uwa mana akot cellphone.
Kahapon man nagbinus-ak raya it kaabo abong kahoy ag nagtug-on nga suno sa anang tiya uwa ta nana raya gina himua.
Sa makaron hay kumbinsido mat a ro pamilya it biktima nga purely suicide rong natabo sa biktima ag uwa it foul play.
Hin-aga bantayan sa Unang Radyo, Unang Balita alas 4:00 am hasta alas 6:00 am ag sa programang Straight to the Point ro mga pakikipag angot it RMN News Team.

Facebook Comments

From Advertisers