Gilusad sa buhatan sa Bureau of Internal Revenue o BIR ang ilang bag-ong tax campaign logo alang karong tuig dos mil dise nwebe.
Gihimo ang maong launching sa bag-ong tax logo campaign sa BIR nationwide sa tinguha nga mahatagan sa insaktong pag-serbisyo ang katawhang tax payer dili lang dinhi sa iligan apan sa kinatibuk-ang bahin sa nasud.
Gisaysay ni BIR Iligan Revenue District Officer Amonoding Ismail ang kahulogan sa logo karon kun asa nag shakehands ang duha ka kamot nga adunay color blue ug pula ingon man ang adlaw nga nagsidlak sa ibabaw nga bahin niini sa pagpresentar sa ilang panlantaw sa katawhan.
Ang bag-ong tax campaign logo adunay kaakibat nga istorya nga nagsaysay nga “Para sa inyo, maging tapat tayo, serbisyong tapat, buwis na sapat.”
Pasabot niini sumala ni Ismail nga kun magmatinod-anon lang ang matag usa sa serbisyo makab-ot gayud ang haum nga buhis sama sa ilang gipangayo ngadto sa katawhan.
