Davao City- Hagit alang sa syudad sa Davao nga makaplagan ang epektibong tourism plan nga makaagni og mas daghang domestic ug international tourist kinsa madani gumikan sa mga advantages niini itandi sa ubang mga lugar sa nasud.
Kini ang nagunang tumong sa ipahigayong ‘Davao Turismo Conference kun TCON 2017’ karong Sityembre 22, 2017 sa the Pinnacle hotel diin tambungan sa mga hotel establishment owners ug uban pang mga tourism related stake holders.
Giimbitahan sa Davao Tourism Association (DATA)ang mga representante sa mga organisasyon kansang focus mao ang pagpalambo sa natad sa turismo sa syudad sa Davao.
Pipila sa mga guest speakers sa TCON 2017 ang mga nagmalampusong tourism advocates gikan sa Cebu ug Bohol, Department of Tourism Regional Director Robert Alabado ug City Tourism Officer Gene Rose Tecson.
Sumala ni DATA president Gatchi Gatchalian nga usa kini ka maayong oportunidad alang sa pagbinayluay sa mga ideya unsaon pagimprobar sa turismo sa atong syudad.
Ang pagtukod sa mga bag-ong tourist spots ug pag-synchronized sa mga tour packages giila nga mga areas mamahimong maimprobar ang atong turismo.
Segun ni Gatchalian nga ang kadayawan village usa niadtong maayong ehemplo sa pag establisar og mga bag-ong tourist attractions diin sama sa Singapore, naila kini gumikan sa iyang mga man-made tourist destinations.
Kasamang Aimee Guinita
