Bag-ong traffic code sa Malaybalay, hingpit nang gipatuman sa TMC

169

Gi-anunsiyo sa Traffic Management Center kon TMC Malaybalay nga hingpit na nilang gipatuman ang City Ordinance 900 series of 2019 o mas naila nga Land Transportation and Traffic Management Code sa siyudad.

Sa interview sa RMN Malaybalay ngadto kang Amadeo Tabaquero Jr., ang head sa TMC gibutyag niini nga nahuman na ang usa ka bulan kapin nga dry run sa no parking policy ug tungod niini, ila nang istriktong ipatuman sa siyudad ang pagdili sa pag-parking sa Fortich Street, bawal ang pagparking sa sidewalk, bawal ang jay walking ug illegal parking.


Nagpahimangno usab si Tabaquero nga mas bug-at na ang penalties nga ipahamtang sa mga makasupak sa balaod trapiko.

Nasayran nga Oktubre 21, 2019 gisugdan ang mao nga implementasyo sa bag-ong traffic code.

Matud ni Tabaquero nga gitahasan ang traffic personnel nga mupatuman sa mao nga ordinansa.

Isyuhan matud pa nila ang mga makasupak nga drivers sa citation ticket. Giklaro usab niya nga dili sila pwedeng makakumpiska sa mga drivers license sa violators.




Facebook Comments