Suspek nga nasal-an kag naluthangan-patay ang mismo utod sa banwa sang Jamindan, ginserbehan na sang warrant of arrest!

309

Jamindan, Capiz- Arestado ang 49-anyos nga persona nga may yara sang ginapangatubang nga kaso samtang ini ang yara sa Brgy Pangabat banwa sang Jamindan.
Ginserbehan sang warrant of arrest sa kaso nga homicide ang akusado nga ginkilala kay Roger Vista y Visto, residente sang nasambitan nga barangay.
Nagalab-ot naman sa P120,000 ang ginrekomendar nga piyansa para sa temporaryo sini kahilwayan.
Sa madumdoman si Roger Vista ang ginatudlo nga suspek sa pagluthang- patay sa mismo magulang sini nga si Romulo Vista y Visto, 70-anyos ang pang-edaron nga nag-angkon sang patal nga pilas sa may gusok malapit sa dughan.
Nahibaluan nga nasal-an gid lamang sang suspek ang utod sini nga iya kaaway kabangdanan sang pagluthang gamit ang 12-gauge shot gun.
Pagka-aga na lamang nahibaluan sang suspek nga utod sini ang iya nga naluthangan.

Facebook Comments