Davao Del Norte – Patay ang gitudlong leader sa Bagets Crime Group, human misukol sa mga sakop sa CIDG-XI ug IGACOS Municipal Police Station sa buy bust ug entrapment operation sa Purok 5, Brgy. San Agustin, Babak, Igacos, Davao del Norte.
Sa report gikan sa Criminal Investigation Detection Group (CIDG-XI) Davao Field Unit, naila ang napatay si Emmanuel Garciano, hingkod ang edad, residente sa nasangpit nga lugar.
Sumala pa, nakabantay si Garciano nga mga pulis ang iyang gikatransact ug dayon mihulbot sa iyang .45 kalibre nga pistol rason nga giunhan nalang kinig pusil resulta sa iyang kamatayon.
Nakuha sa posisyon sa suspekang pusil ug magazine nga dunay mga bala, usa ka pakete nga gituohang shabu ug P500 nga buy bust money.
Matud pa, nalambigit sa pagpamaligyag droga, pagpalusot ug armas ang grupo sa suspek partikular sa Samal Island ug syudad sa Davao.
RadyoMan Don Pulayao
