Davao City – Nakurat ang pipila ka mga establisemento nahimutang sa may Bago Gallera ning siyudad human nakasinati og pagbusikad bandang alas-8:00 pasado Biyernes sa gabii.
Sumala sa usa ka pharmacist nga sa atubangan sa ilang botika adunay mibusikad nga usa ka wala pa mailhing butang.
Dali silang nanawag og police assistance gani girespondehan gilayon sa taga- Explosive Ordnance Disposal (EOD) sa DCPO.
Nasuta sa ilang imbestigasyon nga usa ka microwave oven nga dunay aluminum foil sa sulod diin matud pa nag-overheat kini nga mao ang usa sa hinungdan sa pagbusikad sa maong oven.
Sa inisyal nga imbestigasyon gikan matud pa sa gawas ang maong oven ug gilabay kini sa atubangan sa maong botika.
Hinoon padayun ang ginahimong imbestigasyon sa maong insidente samtnag gikustodiya na ngadto sa EOD-DCPO ang maong microwave oven.
RadyoMaN Paul Canono
