Davao City – Mukabat sa P20-M ang damyos sa nahitabong sunog sa usa ka factory sa bunot kun coconut fiber nga nahimutang sa National Highway Brgy. Basiawan, Sta. Maria, Davao Occidental subay sa kumpirmasyon sa kabomberohan.
Sa pakighinabi sa DXDC RMN Davao kang Fire Officer (FO) 1 George Clint Miro, Bureau of Fire Protection (BFP) sa Sta. Maria, Davao Occidental, gibutyag niini nga gipanag-iyahan sa usa ka Ricky Guoa ang maong compound.
Segun ni Miro nga kapin 20 ka oras ang kumbati sa BFP Malita, Sulop ug Malalag sa pagpakgang sa dakong sunog nga nagsugod pasado alas-2 sa hapon, adlawng Huwebes, May 16, 2019 ug nadeklarang fire-out pasado alas-12 sa udto, May 17, 2019.
Saysay sa opisyal nga upos sa sigarilyo ang hinungdan sa sunog nga paspas nga mikanit sa area tungod sa kainit nga panahon diin lakip nga nasunog ang mga finish products nga coco fiber ug mga makina nga miugnaw sa katunga sa maong compound.
RadyoMaN Kirby Manzon
