Bagyo Urduja wala sang kahalitan sa Negros

BACOLOD CITY, NEGROS OCCIDENTAL – Wala sang reported nga pagbaha ukon ano man nga untoward incidents nga gintuga si Bagyo Urduja diri sa probinsya sang Negros Occidental.

Suno kay Provincial Disaster Management Program Division Head Dr. Zeaphard Caelian nga ini ang base sa report kag comments nga gin-submit sa iya sang mga officers sang Disaster Risk Reduction Management Office ukon DRRMO sa bug-os nga bahin sang probinsya.

Ginpahayag ni Caelian nga daku ang pasalamatan sang provincial government nga wala sang kahalitan sa bahin sang kabuhi kag propiedad ang pag-agi ni Bagyo Urduja nga padayon karon nagapalayo sa pungsod.


Sa bahin naman sang ginabalak-an nga pagsulod sang isa pa gid ka low pressure nga si Venta, ginpahayag ni Caelian nga duha ka scenario ang ginalantaw diri, either ini ang magabaskog kag mangin isa ka significant typhoon ukon ini ang maga-hina kag mangin Low Pressure Area gid lamang.

Panugyan ni Gov. Alfredo Maranon, suno kay Caelian nga magpangamuyo lang kag mag-preparar./dyHB BACOLOD

Facebook Comments