Bagyong Amang, tikanhi na ha Leyte-Samar area

TACLOBAN CITY – Nagbag-o an direksyon han bagyong Amang ngan yana in tikanhi ha Leyte-Samar area.

Ha latest weather bulletin han PAGASA, an bagyo in nakit-an ha bisinidad han Guiuan, Eastern Samar.

Angkon han bagyo an kakusog han hangin nga maabot ha 45 kph, pagsubasko nga maabot ha 60 kph.


Nagios an bagyo ha kalaksi nga 10 kph ha Northwest nga direksyon.

Sumala han PAGASA, ha masunod nga 24 oras in mahinay an bagyo ngan magigin usa nala nga Low Pressure Area.

Pero diri dapat magtagya an publiko ilabi na ha mga lugar nga nakaka-eksperyensya hin mga pag-uran.

Ginkakabarak-an la gihapon an makusog nga pag-uran ha Eastern Visayas, Central Visayas, ngan Bicol Region.

Samtang buwas, makusog la gihapon an uran nga maaabat ha Eastern Visayas, Catanduanes, Albay, Sorsogon ngan Masbate.

Facebook Comments