Davao City – Gipaalerto karon sa Regional Risk Reduction Management Council 11 ang mga barangay sa mga probinsya sa ComVal, Davao Oriental ug Davao del Norte tungod sa posibleng dad-on nga mugnaon sa gikatakda magpakuso-kuso ni bagyong Samuel sa Siargao island ugma sa gabii.
Duna matud pa’y dakong purohan nga makasinati og pagbundak sa uwan ang maong mga probinsiya gumikan sab sa nagpatigbabaw sa laing daot nga panahon nga Northeast Monsoon nga nakaapekto sa Northern ug Central Luzon nga magpakusog pa og maayo sa ulan nga dala ni bagyong Samuel nga magresulta unya sa mga pagbaha ug landslide.
Hugot sab monitoron sa DRRMC 11 ang mga dagkong kasapaan sa nasangpit nga mga probinsiya nga dunay exit point sa Lasang river.
Ug tungod ani, gitambagan sa OCD 11/ DRRMC ang mga local government sa naasoy nga mga probinsiya sa pagpatuman og precautionary measures sa ilang mga residente.
Sa pinaka-ulahing talaan sa pagasa, katapusan nasiplatan ang bagyong Samuel sa gilay-ong 665 kilometros sa east-north-east sa hinatuan Surigao del Sur.
Dala gihapon ang gikusgon sa hangin ang 55 kilometros matag oras ug pagkusokuso nga 65 kilometros matag oras ang lihok sa bagyong Samuel paingon sa Northwest North sa gipaspason nga 15 kilometros matag oras.
Gipailawom na karon sa tropical cyclone signal number ang Surigao del Norte, Surigao del Sur, Agusan del Norte, ug Dinagat Island Province.
RadyoMaN Joel Viray
