TACLOBAN CITY – Missing an usa nga lalake ha paglasurbo ni bagyo Samuel ha probinsya han Northern Samar kakulop, ngan yana nga adlaw nakit-an na han mga otoridad an patay nga lawas hini.
Ginkilala an biktima nga hi Ronel Quibal, 23 anyos, usa nga parag uma.
An iya lawas in nakit-an han mga volunteersn ha Brgy. Magsaysay, Palapag, Northern Samar, matapos han pira ka oras nga search and rescue operation.
Sumala ha report han Police Regional Office 8, aksidente nga nadara hi Quibal han makusog nga dalagan han tubig han salog ha Sitio Ga-as Napo Palapag Northern Samar.
Matapos an insidente in waray na mahitad-i an lawas han biktima.
Hi Quibal, an pinakasyahan nga nai-report nga casualty ha Sinirangan Bisayas matapos an bagyo.
Facebook Comments
