Davao City – Nagdeklara ang lokal nga panggamhanan sa Davao og state of calamity sa upat ka mga barangays sa Davao nga maoy labing naapektuhan sa grabeng baha.
Gipailawom sa state of calamity ang Barangay Los Amigos, Barangay Tugbok Proper, Barangay Talomo ug Barangay Wangan, Calinan District.
Giaprubahan na usab ang P50M budget atol sa special session sa konseho karong hapon para sa mga biktima sa baha nga maggikan sa Quick Response Fund sa syudad.
Ang maong budget para kini sa Financial Assistance, Food Assistance, Non-food Assistance, Medical supplies ug medisina ug uban pang panginahanglanon sa 17,795 ka mga mga indibidwal o anaa sa 3,559 ka mga pamilya.
Samtang, segun ni Councilor Danilo Dayanghirang nga maggikan usab sa Crisis Intervention Fund ang tabang para sa Catalunan Pequeño, Brgy. Riverside Wangan ug Manambulan kinsa apektado usab sa katalagman.
RadyoMaN Aimee Guinita
