CAPIZ – Ginbisita ni former DILG Sec. MAR ROXAS ang banwa sang Pontevedra kag iban nga kabanwahanan sa Capiz nga nahalitan sang malapnagon nga pagbaha.
Upod ni Roxas nga nagpadulong sa Pontevedra sanday Capiz Gov. Tony del Rosario kag 1st District Cong. Emmanuel Billones Sr.
Ginhibalo sang anay tiglikom ang kabug-usan nga kahalitan sa banwa sang Pontevedra. Mainit naman nga ginbaton ni Mayor Esteban Contreras si Mar Roxas kag nagpasalamat sa presensya kag kabalaka sini sa iya probinsya.
Nagpadulong man si Roxas sa banwa sang Panit-an, Sigma, Maayon, Dao kag iban pa nga lugar nga ginbaha man sang nagpanalasa ang bagyong Agaton.
*Photo Credits: * *Radyoman Jessie Mendoza, DYVR*
Facebook Comments
