Dapitan City – Nangaharag og nangatuwang diha sa daplin sa highway ang walo ka mga balay human niapaw og nihaguros ang tubig baha gikan sa Dapitan river dala sa Low Pressure Area (LPA) didto sa Prk. 6 Brgy. Opao, dakbayan sa Dapitan.
Sa nakuhang report sa rmn dxdr news team ang mga balay nadamage gipanag-iya nila Margarita Jaralve, Allan Tercio, Mechimie Tercio, Celestial Gomez, Alberto Galanido, Emmie Jaralve, Leonora Baracho ug Cristita Maccer.
Sumala pa ni Margarita atol sa kusog nga ulan pasado alas 9:00 sa gabii nagsugod og taas ang tubig baha hinungdan gihiklin dayon nila ang ilang mga bata didto sa ilang silingan anaa sa taas nga bahin.
Apan nagkalawom ang kagabhion kalit lang nilutaw ang iyang panimalay og nangaguba sab ang balay atbang sa iyang mga silingan nga gilayon nilang gibiyaan, langoy paigon sa daplin.
Ang maong mga apektadong pamilya igo nalang nanawagan sa City Government nga sila mahatagan og pagtagad, pagtabang pagpabarug sa nadamage nilang balay.
