Bahay PAG-ASA para sa mga CICL, ablihan na

49

General Santos City— Dugay na gyud nga gipa-abot sa lokal nga panggamhanan sa dakbayan nga mahuman ang bahay pag-asa alang sa mga kabataang gikonsiderang Children In Conflict With Law ug Children At Risk.

Sumala kang Mayor Ronnel Rivera nga gikan sa nasyunal nga panggamhanan ang naunang budget sa maong pasilidad apan gumikan sa kulang, gipangitaan ug pamaagi sa lokal nga panggamhanan sa dakbayan aron nga hingpit kining mahuman ug magamit sa dili madugay.


Pamahayag niini nga pinaagi sa maong bahay pag-asa makamugna sila ug programa aron nga ma-rehabilitate ang mga nasangpit nga mga kabataan aron nga higayon nga makagawas sa bahay pag-asa magamit sila sa kumyunidad.

Samtang, gibutyag ni Becky Magante, labaw sa City Social Welfare And Development Office nga ang pagtukod sa maong pasilidad ang adunay duha ka rason, una, alayon kini sa R.A 9344 ug ikaduha, hilabihan na gyud kadaghan sa kaso sa mga kabataan sa dakbayan.

Apan iyahang gi-angkon nga bisan pa man pormal ng gi-ablihan ang bahay pag-asa, daghan pa ang kulang niini sama nalang sa intensive juvenile service center nga alang sa mga kabataang 15 anyos paubos nga adunay dagkong kaso nga gi-atubang.

Sa karon matud pa, tanang mga bata nga madakpan o ma-rescue sa kapulisan, ang gilayong i-turn over sa CSWDO aron nga ma-assess kung kinahanglang ibutang sa bahay pag-asa o dili.

Facebook Comments

From Advertisers