Philippine Identification System Act, dako ang ikatabang matud ni Senador Pimentel

49

Dako ang ikatabang sa bag-ong balaod karon nga Philippine Identification System Act.

 

Kini ang gibutyag ni kanhi Senate President Senador Koko Pimentel sa interview sa dxCC-RMN Cagayan de Oro.


 

Matud ni Senador Koko Pimentel, nga pinaagi sa maong balaod  mas mapadali sa usa ka indibidwal ang iyang transaksiyun sa gobyerno  o bisan sa mga pribadong institusyon.

 

Dugang pa ni Pimentel nga ang national ID adunay biometrics information nga nagdala sa kompletong pangalan sa tawo, citizenship, ug uban pa nga impormasyon.

 

Samtang mas hightech ug mas reliable ang national ID kung itandi sa laing ID.

 

Matud ni Senador Pimentel nga tumong sa programa nga makadevelop og computerized database sa mga Filipino citizen ug foreign national nga nagpuyo sulod sa Pilipinas.

 

Giklaro usab ni Senador Pimentel nga magpadayun gihapon ang mga ID sa mga specific activities sama sa drivers license ug uban pa.

 

Magpadayon usab ang pagkuha og CEDULA sa usa  ka indibidwal tungod kay ang pagkuha niiini alang sa local government.

Facebook Comments

From Advertisers