Sa interbyu sa DXDC RMN Davao kang PMSg Domenick Patajo, imbestigador sa Bajada Police Station giingon niini nga adunay CCTV nga gimuntar apan wala makuha ang lugar nga gilabayan sa bata tungod layo ang CCTV ug layo usab ang mga balay sa nasampit nga lugar.
Segun ni Patajo, nagpatabang na sab sila sa barangay council sa Brgy. Paciano Bangoy sa pagsusi kun naa bay buntis nga bag-ong nanganak sa nasampit nga barangay o kun duna bay nakakita sa naglabay sa maong bata.
“Among gitan-aw sa mga tapad nga building wala gyud, ang CCTV wala nakatutok. Gina follow-up gihapon namo basin naay tawo nakakita ug naggunit og ECO bag,” segud ni Patajo.
Kahinumdoman, usa ka garbage collector sa CENRO ang nakakita sa bata nga giputos sa color brown nga sinina nga duna pay dugo sulod sa ECO bag ug gibutang sa usa ka bukag nga gilabay daplin sa basurahan.
RadyoMaN Don Pulayao
