Bakasyonista, arestado sa pagdaea it baril

63

KALIBO, AKLAN — Arestado ro sangka bakasyonista matapos madakpan nga may daeang baril kahapon it agahon sa Caticlan Jetty Port, Caticlan, Malay, Aklan.
Nakilaea rong suspek kay Sergio Rodriguez , 50-anyos ag residente it Brgy. Indag-an, Miag-ao, Iloilo.
Natukiban nga may daeang baril si Rodriguez matapos nga ginpaagi sa X-ray machine ro anang daeang bag ag nakit-an raya it operator nga may baril sa sueod.
Matapos nga ginbuoe ni Rodriguez rong bag hay insigida ra imaw nga ginsita it mga gwardya ag pulis sa lugar ag gin manduan nga buksan ro anang bag ag dikato narecover ro sangka 22 caliver revolver nga loaded it 5 ka mga bala ag may una nga 8 pa gid ka mga reserba.
Insigida imaw nga gin aresto ag gindaea sa Malay Police station bangud uwa it maipakita nga dokumento para sa legalidad it ana nga baril ag mga bala.
Pagapasakaan it kasong illegal possession of fiream and ammunitions si Rodriguez.

TAGS DYKR CATICLAN JETTY PORT MALAY RODRIGUEZ X-RAY MALAY PNP BAKASYONISTA

Facebook Comments