Pagadian City – Laing bakery na usab ang giataki sa mga tulisan alas 10:00 sa gabii niadtong sabado partikyular ang main branch sa panaderia nga nahimutang sa Rizal Avenue, Brgy. Sta. Lucia ning syudad.
Sa imbestigasyon nasayran nga duha ka mga lalaki nga sakay sa motorsiklo ang nibutho sa lugar diin daling giduol og giti-unan sa wala matino nga calibre sa armas ang kahira nga nailang si Analyn Agustin dungan ang pagdeklara og tulis.
Dihang nakamatikod ang security guard misulay kini paglugnot apan laing lalaki nga may dalang calibre 45 ang nidikit kaniya og gikuha ang shotgun nga dala sa guwardiya.
Malampusong nadala sa pagsibat sa mga suspek ang halin nga mobalor sa P1,680, sumala sa mga nakasaksi sakay sa xrm nga motor ang mga tulisan.
Giimbestigahan na sa kapulisan ning syuda ang maong hitabo kung mahinumduman gitulis usab niadtong niaging semana sa shirogi bakery.
