RMN Laoag – Natay kalpasan a napaltopaltogan ti maysa a baket iti ili ti Piddig, Ilocos Norte alas siete y medya idi rabii.
Nabigbig ti biktima a ni Mary Anne Evangelista y Dela Cruz, agtawen ti 60, addaan ti asawa, aglaklako ti nateng ken residente iti Brgy. 14, Calambeg iti nasao nga ili.
Iti imbestigasyon ti PNP, nagpakada ti biktima kenni asawana a ni Rolando a mapanna bisitaen ti manugangna a ni Ruby iti nasao met laeng a barangay.
Kalpasan ti sumagmamano a minuto, simmaruno ni asawana ngem daksang-gasat, nakitana laeng ti biktima a daradara iti datar nga awanen ti puotna ken adda ada tama ti bala iti nagduduma a paset ti bagina.
Dagus a naitaray ti biktima iti Piddig District Hospital ngem, napugsatan ti angesnan.
Nakarekobre iti SOCO Ilocos Norte iti crime scene ti tallo (3) a basyo ti bala manipud ti kalibre 45 a paltog ken maysa (1) a slug. Dumalan met ti nasao a paltog ti ballistic ken cross-matching examination.
Pammati dagiti lumugar a maipagarup a mannamay ti nasao a biktima ken ada dagiti mabutbuteng kenkuana. Saan met a pinaboran daytoy ti otoridad ken aginngana tatta saan pay a nabigbig ti suspect ken puon ken gapo ti nasao a krimen.
Bernard Ver, RMN News
