Bakuna batuk COVID naabot na sa Caraga

19

9,000 ka mga vaccines alang sa Caraga Region, niabot na
Alas onse dyes kaganinang buntag, niabot sa Bancasi Airport ang 9,000 ka doses sa Sinovac nga bakuna alang sa rehiyon sa Caraga.
Gipangunahan ni DOH-CHD 13 Caraga Regional Director Dr. Jose Llacuna Jr, ang pagdawat sa mga bakuna. Dayong gidala sa storage facility sa Department of Health sa Barangay Doongan ang mga bakuna.
Ang maong mga bakuna iapud-apud sa mga na identify na nga 4,500 ka mga frontline healthcare workers gikan sa pampubliko ug pribadong mga hospitals sa rehiyon.
Sumala ni Dr. Llacuna, kinse ka mga boxes nga dunay sulod sais sientos ka mga bakuna ang karga sa refrigerated van. Una ng mahatagan sa mga bakuna ang Caraga Regional Hospital sa Surigao City ug Adela Serra Ty Memorial Medical Center sa Tandag City.
Admitado si Dr. Llacuna nga sa 4,500 ka mga frontliner health workers duna sab dili magpabakuna. Giklaro niini respetuhon nila ang desisyon sa mga health workers kung dili magpabakuna. Mapasalamaton sab ang DOH sa seguridad nga gipatuman sa kapulisan gikan sa pag abot sa mga bakuna hangtud na sa pagdala niini sa storage facility.

Facebook Comments