Bakuna dili angay mahimong isyu sa abri-klase

Davao City – Subling giklaro sa Department of Education (DepEd) nga dili angay mahimong isyu kung bakunado o dili bakuna batok Coronavirus Disease 2019 (COVID-19), ang usa ka estudyante sa pagbalik sa face-to-face (F2F) classes karong adlawa (Agosto 22, 2022).

Sa interbyu sa DXDC RMN Davao kang Jenielito Atillo, tigpamaba sa DepEd-XI, gitataw niini dili angay nga magbaton og division o separation kun paglahi sa mga bakunado ug dili bakunadong estudyante sa publiko o pribado man nga eskwelahan.

Matud ni Atillo, wala nag-require ang DepEd nga kinahanglang bakunado ang mga estudyante sa pag-abli sa F2F classes sa school year 2022-2023.

“If you will divide them, then therefore, you are creating a roadblock between those vaccinated and unvaccinated (students), and that is not acceptable to the Department of Education,” sulti ni Atillo.

Samtang, una nang gikalipay sa DepEd-XI official ang taas nga ihap sa mga enrollees sa Region XI ug positibo nga malabawan pa ang datus sa nakalabay nga tuig tingtungha.

RadyoMaN Kirby Manzon