Cauayan City – Nagsimula na ang paghahatid ng Municipal Health Office ng Cabatuan ng libreng bakuna kontra flu sa mga residente sa kanilang bayan.
Sa inilabas na anunsyo ng MHO Cabatuan, maaaring magpabakuna ang mga residente na nasa edad dose pataas.
Ang nabanggit na bakuna ay epektibo upang makaiwas sa mga nauusong sakit ngayon, at ito ay ibinibigay lamang ng libre kaya’t hinihikayat nila ang publiko na magpabakuna.
Sa mga nagnanais na magpabakuna, maaring magtungo sa kanilang opisina ng MHO Cabatuan mula 8AM hanggang 5PM lunes hanggang Biyernes, at maaari ring makipag-ugnayan sa mga barangay health workers sa kanilang lugar.
Facebook Comments
