HAZING
Lain na usab nga kinabuhi ang nasayang
Law student abi nakog gikan sa tokhang
Gilabay sa dalan nagkulob ug gihayang
Lawas nabulit sa labhag ug nagkabang.
Gilubong na si Horacio Castillo III
Naputos sa bun-og gikan likod ug kilid
Brotherhood kuno inig bunal mubutalid
Hustisya sa biktima nag-anam na og ligid.
Ginikanan nangita karon og katarongan
Anak nga ilang giamoma ug gi protektahan
Wala damha sa fraternity siya mapukan
Biktima sa fatal hazing nga way hinungdan
Makabaton unta ang biktima ug hustisya
Naghimo sa krimen unta kamo makonsensya
Dili na mahiman ang kursong abogasya
Pamaagi sa brotherhood angay ikondena
RadyoMan Erin Lumosbog
Facebook Comments
