Paghinumdom sa Roxas Night Market nga trahedya
Kumusta na kaha ang mga tagtungod sa biktima?
Nahuwasan na kaha sa dili basta bastang trauma?
Mugna sa mga teroristang walay mga konsensya.
Adunay ayudang gitunol ang lokal nga kagamhanan
Alang sa mga survivor ug mga pamilyang namatyan
Hinabang aron maka sugod sa ilang panginabuhian
Dawaton ang gidangatan kay pagbuot sa kahitas-an.
Kumusta na kaha ang ilang gipasaka nga kaso?
Hustisya makab-ot kay maoy ilang gidamgo
Responsable sa mga panghitabong terorismo
Angay manubag ug silotan pina-agi sa pagkapreso.
Panahon na gyud nga kitang katawhan magpakabana
Seguridad angay tambayayongan ug di magpasaya-saya
Walay kumpyansa kay sila mutirada di gyud magbanha
Mga terorista kun asa tong mingaw mao rabay igara.
Kasamang Erin Lumosbog
