KABATAN-ONAN KARON
Naunsa naman ang ang mga kabataan?
Nahisubay pa kaha sa ensaktong dalan
Nahadlok aku ug unsa unya’y dangatan
Kun padayon nga ato silang pasagdan.
Batan-on karon labihan na ang kaisog
Kun mangatarungan dili gyud papi-og
Prinsipyong sayop ila gyung ipabarog
Bisan ug klaro na kaayong binulay-og.
Nagkabata ang nalambigit sa krimen
Musabay sa tama kay di buot mabitin
Barkada kanunay maoy maka-angin
Maayong pamatasan ilang gipadaplin.
Kinsa kaha dinhi ang adunay sipyat?
Ginikanan kaha sa mga batang sipat?
Simbahan nagkugi ba sa pagbat-bat?
Usbon ang kinaiyang klarong inuwat.
RadyoMan Erin Lumosbog
Facebook Comments
