GIHUKASAN OG KOMITIBA
Daw dili aku maka-tuo nga pagahukasan
Komitiba sa konseho ikaw pagalangkatan
Imong katakos, kinaadman aku gisayangan
Nganong ikaw sa session ilang gipakalitan?
Mga kasama basin wala kamo makasabot
Kun si kinsa ang buot nakung ipasabot?
Kanang imong simod ayaw sa ipabudlot
Kay pildi baya dinhi ang mabaw’g lubot.
Konsehal Small Abellera gikuhaa’g komitiba
Desisyon sa konseho ilabina sa mayoriya
Gipuli usab dayon si Konsehal Mabel Acosta
Isip chairperson sa nabakanting komitiba.
Siguro mangutana ka ug unsa kahay rason?
Si Vice Mayor Pulong nagbutyag sa presscon
Kinahanglan na kuno si Small pagatangtangon
Konsehal walay sipot sipot ug kuno masakiton?
Committe on Peace and Order and Public Safety
Usa sa mga komitiba sa konseho nga importante
Ilabina karon nga nagpabilin ang hulga sa Maute
Angay walay kumpyansa ug padayon ang kombati.
RadyoMan Erin Lumosbog
