Capiz PNP: Yara sa listahan sang mga High Value Target level 3 drug personalities, ang Capizeño nga nadakpan sa Pavia, Iloilo

1760

Roxas city, Capiz- Ginkumpirmar ni Police Senior Supt. Samuel Nacion, Provincial Director sang CPPO, nga yara sa listahan sang mga high value target level 3 drug personalities ang persona nga si Neil BryanTumlos y Benliro nga nadakpan sa buy bust operation sa Providence Subd. Brgy. Balabag, Pavia, Iloilo alas 4:00 kahapon sang hapon.
Sa ginkasa nga anti-drug operation sang gintingub nga puwersa sang Pavia PNP, kag Regional Drug Enforcement Unit, narekober nagikan sa subject person ang kabug-osan nga 33 tanan ka sachet sang suspected shabu. Nakuha man sa iya mga kamot ang P1,200 pesos nga buybust money, isa ka unit sang .45 caliber pistol nga may mga bala, mga drug paraphernalias, laptops, cellphone, cash nga nagalab-ot sa P1,970 pesos kag Montero sport nga salakyan.
Ginpahayag dugang ni Nacion nga may yara sang mga runner ang nasambit nga drug personality sa Probinsiya sang Capiz apang nagkaladakpan na ang mga ini kag nagtuad nga si Tumlos ang ila supplier. Suno pa kay Nacion nga nagakuha sang suplay sang illegal nga droga si Tumlos sa Metro Manila. Si Neil BryanTumlos y Benliro ang residente sang Brgy. XI, Roxas City, Capiz kag temporaryo nga nagpuyo sa Pavia, Iloilo.

Facebook Comments

From Advertisers