Alisto mga Mayor nga ana sa listahan
Normal lang nga kamo pagakuyawan
Duha na ka Mayor sa yuta gitabonan
Tungod sa illegal drugs nga kalambigitan?
Pangulong Rody nimando sa Iloilo idestino
Ang pina ka kulba nga si Chief Insp. Espinido
Mayor Mabilog wala gyod mabalaka kuno
Kay sukad wala siya ma-membro sa sindikato.
Grabe kuno ang drogas sa syudad ni Mabilog
Drug lord midasa ug dili gayud kuno matarog
Shabulize City kini kuno nga nabantog
Opisyal sa gobyerno protektor sa mga bulay-og?
Unsa gyud kahay linugdangan niining tanan?
Kampanya sa atong nasudnong panggamhanan
Illegal drugs ang nasod buot pagalimpyohan
Bugti sa kinabuhi sa mga inosente ug sad-an.
Kasamang Erin Lumosbog
Facebook Comments
