Aprobado na sa House of Representative
Ang budget sa CHR para sa sunod tuig
119 ka kongresista ang nidapig
32 sa magbabalaod negatibo ang habig
Commission on Human Rights P1,000 lang budget
Daghang kogresista pabor kang House Speaker Pantaleon Alvarez
CHR Chairman Chito Gascon buot makiglalis
Desisyon binuang og nasayop ang niboto sa YES
Budget Sec. Benjamin Diokno namahayag
Dili pa kini pinal, desisyon pwede pang malubag
Mamahimo pang dugangan ang pondo nga ihatag
Kun ang senado sa sugyot nga pondo mobabag.
Apan kasaysayan gituki ni Diokno
Nga nahitabo usab ni sa Panahon ni Pangulong Cory Aquino
Department of Finance (DoF) gipondohan sab og piso
Katawhan kaha niining paagiha makabenepisyo?
Tun-an matud pa ni Pangulong Rodrigo Duterte ang isyu
Apan iyang gibasol ang sa CHR nangulo
Gi-akusahan nga pabor sa Grupo ng Yellow
Ang nagdumala sa rinda sa pangagamhanan kaniadto.
Atong hulaton ang lintunganay ning hisgutanan
Desisyon sa senado atoang atangan
Kun ang sugyot nga pondo unsay padulngan
Kita ba kaha nga yanong Pilipino dili mapagan.
