Balangay boat midunggo sa Butuan

Ipahigayon karong adlawa ang seremonyas alang sa malampusong pagdunggu sa duha ka Balangay boat human milawig kini gikan sa Cebu padulong sa Nasipit Port ug lahus sa Phil. Ports Authority (PPA) dinhi sa dakbayan sa Butuan.
Nasayran nga kutub alas 12 karong udto ang Raya Syago ug Raya Kolambo – ang duha ka mga Balangay, diha sa PPA Port ug mobalik kini paglawig sa Nasipit Port ug pabalik usab didto sa Palawan.
Sigun ni Patrick Ruiz, usa sa mga crew sa Balangay nga ang Raya Syago maoy replica sa Balangay nga nakaplagan sa mga Arkeologo diha sa Brgy. Libertad ning syudad sa Butuan diin base sa kasaysayan kini ang gigamit sa pagbayloay ug patigayon sa mga Insik ug Butuanon pipila na ka dekada ang milabay.
Gibutyag ni Ruiz nga ilang gilawig ang lawod gikan sa Cebu padulong sa dakbayan sa Butuan sulod sa duha ka adlaw diin sakay ang 14 ka mga crew sa Raya Kolambo ug 10 ang sakay sa Raya Syago diin ang naulahi walay makina kondili layag ug timon lamang ang ilang gigamit sama sa gihimu sa karaang panahon ug malampuson silang nakadunggo sa dakbayan sa Butuan.
Pangunahan ang seremonyas karong buntag diha sa PPA Port nila ni Mayor Ronnievic Lagnada ug Cong. Law Fortun (with report archer capadeso/ivy falcone).

Facebook Comments