GINANG NAGPABLOTTER MATAPOS NADULAAN SANG BALOR 400K NGA ALAHAS.

i Balita
December 22, 2019
(Photo from web)

GINANG NAGPABLOTTER MATAPOS NADULAAN SANG BALOR 400K NGA ALAHAS.
Isa ka ginang ang nagpadulong sa istasyon sang pulis agud magpa-blotter nga nadulaan siya sang kapin 400,000 pesos nga balor sang mga alahas sa iya balay sa Brgy. Estefania, Bacolod City.
Ang tag-reklamo isa ka 67 anyos nga balo kag pumuluyo sang amo man nga lugar.
Sandig sa blotter, ginsiling sang biktima nga las 9 kahapon sang aga sang iya nadiskubrehan nga wala na ang iya mga alahas sa jewelry box nga iya ginbutang sa filing cabinet sa sulod sang iya kwarto.
Base pa sa blotter ang alahas sang biktima nagalakip sang duha ka gold nga singsing nga may diamante, isa pa gid ka singsing nga may emerald birth stone kag isa ka pares sang aritos.
Nabutang man sa blotter nga naga-suspetso ang complainant nga ang iya alahas ang ginkuha man lamang sang iya mga kabulig sa puluy-an.

Facebook Comments