Matapos ang 117 ka tuig, nabalik na sa Pilipinas kag pormal nga ginbaton ni Defense Secretary Delfin Lorenzana ang tatlo ka lingganay sang Balangiga sa Villamor airbase grandstand sa Pasay City.
Ginpangunahan mismo ni US Ambassador to the Philippines Sung Yong Kim ang pormal nga pagbalik sang mga lingganay.
Alas- 10:30 kaina sang aga sang naghugpa ang C130 Cargo plane sang Estados Unidos sa Villamor Air Base kon sa diin sakay ang tatlo ka Balangiga Bells .
Ang duha ka lingganay ang naghalin pa sa F.E Warren Airforce Base Cheyenne, Wyoming samtang ang isa ang naghalin pa sa Camp Red Cloud sa South Korea.
Ginkuha ang Balanggiga bells bilang “war trophy” sang mga Amerikano pagkatapos sang ginakabig “Balanggiga Massacre” sa Samar sang September 1901.
