Dili na kinahanglan pa sa bag-ong balaod aron mas pahugtan ang pagpakatag
batok sa fake news.
Sa interview sa RMN Malaybalay ngadto Presidential Communications
Operations Sec. Martin Andanar, gibutyag niini nga igo na ang mga balaod
nga naglihok sama sa Libel Law ug Cybercrime Law aron patubagon ang mga
musupak dinhi.
Matud kang Andanar, kinahanglan lamang ipatuman ang mga maong mga balaod ug
kung adunay masakitan nga mga potiliko o mga ordinaryong tawo, mangita na
lamang sa abogado nga magdepensa sa ilaha.
Gipahayag pa ni Sec. Andanar nga nagtoo siya nga kihahanglan lang nga
transparent ang mga online website aron masuta kung kini ba lehitimong news
website, kinahanglan usab daw nga adunay online tools aron dali ug mas
sayon nga makit-an ug magsuta ang mga peke nga balita ug kinahanglan matud
pa ug media literacy program aron mabatukan ang fake news.
