Nakabulig sang daku ang Republic Act 1166 nga indi na kinahanglan ang parent consent sa pagpaidalom sa HIV testing sa mga menor de edad nga nagapang-edaron sang kinse tubtob dise otso anyos tungod sila na lang ang nagamato-mato lakat sa testing facilities. Ini ang nangin pamahayag ni John Codilla, Infectious Disease Program Coordinator sang Provincial Health Office sang South Cotabato.
May-angot sini, halos wala na sila sang makuha pa sa ginapatigayon nga mobile testing kag padayon man ang ila nga school to school HIV testing, apang ang mga may duda ang nagakadto na lang sa HACT clinic.
Sa subong suno kay Codilla bukas na ang HACT clinic kon Sabado nga adlaw alas 7 sang aga tubtob alas 5 sang hapon sa diin mas madamo ang nagakadto sa amo nga adlaw.
Samtang, ginalauman niya nga mas pa nga pabakudon sang Department of Education ang information education campaign batok balatian nga HIV/AIDS.
