General Santos City—giransak sa wala pa mailhing suspetsado ang panimalay sa 62 anyos nga lalaki sa may 4th. Street, Lacap Subdivision, Barangay San Isidro Gensan.
Biktima nailhang si Robert Rivera Tiin, 62, residenti sa samang lugar. Alas 4:00 ang takna sa kabuntagan kagahapong adlawa dihang nadiskobrehan sa nasangpit nga biktima ug sa asawa niini ang pagsulod sa kawatan sa ilang balay.
Subay sa pahayag niini sa Police Station 4 nga nakurat nalang sila dihang pag mata nila sa iyang asawa, abli na ang ilang pultahan ug wagtang na ang usa ka white gold nga alahas sa iyang asawa nga nag kantidad ug $50, wedding ring sa iyang anak nga nagkantidad ug 20 Euro ug cash nga P20,000.00.
Sa inisyal nga imbistigasyon sa kapulisan nasuta nga misaka sa pader ang suspek dayon giguba ang lock sa pultahan sa entrada nga bahin sa maong panimalay. Sa karon padayon ang gihimong imbistigasyon sa kapulisan kalabutan sa insidenti.
