Pagadian City – Gironda sa hinugpong nga pwersa sa tropa sa Criminal Investigation Detection Group – CIDG Zamboanga del Sur , Regional Intelligence Detection -9, 903rd MARITIME Zamboanga del Sur ug elemento sa Pagadian City PNP ang balay sa usa ka babaye nga nagtinir og tag-as nga matang sa armas.
Alas 6:00 kagahapon sa buntag gikasa ang joint Operation dala sang Search Warrant sa Purok Gabi, Barangay Lumad, ning syudad sa Pagadian.
Target sa operasyon si Lilibeth Amba Diano alyas luwing, babaye, residente sa Purok Gabi, Brgy. Lumad, Pagadian City gumikan sa paglapas sa Akta Republika 10591 kun “Comprehensive Firearms and Ammunition Regulation Act” nga pinirmahan ni Judge DENNIS VICOY sa RTC, Multi-Sala Station, 9th Judicial Region, Pagadian City, Zamboanga De Sur .
Nahipos sa otoridad atol sa implementasyon sa Search Warrant ang tulo sa 12 guage shotgun, duha ka calibre 38 revolver, 20 kabook bala sa shotgun ug 20 ka buhing bala sa calibre 38 revolver.
Ang mga nakumpiska nga ebidensya gikustodiya karon sa CIDG ZDS samtang padayong gipangita ang naka-ikyas nga supek nga gitoohang tag-iya sa maong mga illegal nga armas.
