Dipolog City- Nasapnan sa mga sakop sa Bureau of Fire Protection kauban ang Dipolog PNP ang tag-iya sa balay human iyang gisilaban ang iyang balay nga hinimo sa light materials nahimotang sa Purok Dela Paz, Brgy Sicayab, ning dakbayan sa Dipolog bandang alas 4:00 sa miaging hapon.
Ang dinakpan giila nga si Stanley Daymiel Paez, 62, minyo ug lomolopyo sa nasampit nga dapit.
Nasayran nga nadawat sa BFP Dipolog ang report nga may dakong daob sa kayo sa dapit hinongdan ilang girespondihan uban ang kapolisan.
Si Paez nasapon sa akto nga iyang gisilaban ang palibot ug ang iyang balay hinongdan nga kini gisikop sa otoridad.
Samtang ang mga bombero dali usab nga mipalong sa nagdilaab nga kalayo gamit ang fire extinguisher sanglit nagpatong sa buntod ang maoy balay ug di masulod sa fire truck.
Sumala pa atol sa paga-resto nilugnot pa ang suspek hinongdan nakahiagum kini mga pangus sa kalawasan ug daling gidala sa tambalanan.
Sa pakighinabi sa RMN Dipolog sa dinakpan nga si Paez gipangulisapas niini ang taho nga iyang sunogon ang iyang balay.
Saysay pa niini nga iyang gidaoban ang mga sagbot ug mga linibwasan nga nipa nga diha gilabay sa iyang silingan duol sa iyang balay.
Natingala matud pa siya niabot ang mga polis ug mga fireman hinungdan siya nalisang ug nidalagan sulod sa iyang balay.
Gumikan siya gisundan gikuha matud pa niya ang dakp nga gaspin ug gibobo-an niini gas ang poltahan ingon man suok sa iyang balay aron di makasulod ang mga otoridad ug iyang gisilaban.
Sa karon si Paez Balhog na sa prisohan sa Dipolog PNP diin possible kining mag-atobang ug kasong arson.
