Dipolog City – Bahog karon sa prisohan sa Dipolog PNP ang usa ka lalaki human nasakpan sa sales lady nga nanguha sa short pants nga display sa usa ka Shoping Center nahimotang sa Rizal Ave Corner Lacaya St, Barangay Central ning dakbayan sa Dipolog bandang alas 2:30 kagahapon sa hapon.
Ang dinakpan giila sa kapolisan nga si Armin Jonh Alingaro, 39 anyos, minyo ug usa ka contruction worker nga taga purok Palayan Barangay, San Isidro lungsod sa Mahayag Zamboanga del Sur.
Subay sa report sa kapolisan nasayran nga samtang didto sa Shoping Center ang suspek namili kini sa mga purol ug ang usa niini maoy iyang gisul-ob diin yanong nilakaw pagawas unta sa tindahan apan nasapon kini sa sales lady nga si Grace Razaga hinongdan nagpatabang sa police officer nga na assign sa dapit ug malampsuson nadakpan.
Didto na sa buhatan sa kapolisan gipahubo niini ang cargo short pants kolor green nga iyang kinawat diin nagkantidad sa (P 1,899.75).
Ang nadakpan suspek nagtibi sulod sa prisohan dihang na-interview sa rmn dipolog nga sumala pa niya, na-inganyo siya sa maong short pants ug di ma ka-igo ang dalang kwarta rason iyang gisulayan sibat apan nasakpan.
Gidungan pa niini nga mag tulo palang siya ka bulan sa dakbayan sa Dipolog kon diin nanarbaho isip usa ka construction worker para unta sa iyang gibiling pamilya sa lungsod sa Mahayag, butang nga iyang gibasulan ug gihilakan.
