Balay naabo, dul-an tunga sa milyon ang damyos

Molave, Zamboanga del Sur – Miulbo og naabo ang usa panimalay didtong dapita sa Mabini Extension, Purok 1, Barangay Sudlon, Molave Zamboanga del Sur alas 5:30 ang takna sa sayong kabuntagon kagahapon. Gipanagiyahan ang maong panimalay ni Nina Pocot mulupyo sa nahisgutang lugar.
Sumala pa Molave Municipal Bureau of Fire Protection aduna silay nadawat nga report nga dunay sunog sa nasangpit nga Barangay ug dali dayun kini nilang girespondehan kauban ang tropa sa Molave MPS nga maoy nagmontar gilyaon sa security ug traffic control didto sa nahitabuan.
Gideklarang fire control ang maong sunog sa may alas 6:00 sa kabuntagon hinoon walay gikataho nga namatay ug nasamdan sa maong incidente. Mokabat sa 400,000 ang kabtangan nga naabo sa maong panghitabo. Padayon pa karon nga gitino ang ugat hinungdan sa maong sunog.

Facebook Comments