Nagpasalamat sang daku ang isa ka iloy nga nakasalbar sila sang iya bata matapos nga narumpag ang ila balay kahapon sang kaagahon sa banwa sang Binalbagan.
Sa Facebook post ni Rossell Tabera Tabocolde, iya ginsaysay ang natabo sa ila sang iya bata may mga las 4:05 kahapon sang kaagahon sa tunga sang maulanon nga panahon, nakibot na lamang siya sang hinali nga nag-uyog sang tuman ka baskug ang ila balay.
Ini ang ginsundan sang pagkalahulog sang mga tapi kag dos-por-dos tubtub nga narusdak na gid ang ila balay kag malain pa kay nag brown-out.
Suno kay Rossell nga nagtinguha gid siya nga makagwa sila sang iya bata apesar nga tuman ka budlay ang pag-giho kay napilpilan ang isa niya ka tiil.
Madugay lang antes naka-kita sang maagyan si Rossell kag ang iya bata tubtub nga ini sila ang safe nga naka-gwa.
Ginpahayag ni Rossell nga indi na bale nga wasak ang ila balay kag indi na mapuslan ang mga kagamitan, bangud ang importante nakasalbar sila nga buhi sang iya bata.
[image: image.png]
