Apat ka ginapatihan mga katapo sang New Peoples Army ang naaresto sang kaagahon sang Hunyo 28 sa Sitio Maraja, Barangay Lamogong Manjuyod, Negros Oriental.
Samtang nagapatrolya ang 302nd Brigade sa amo nga lugar, ila nakita ang apat apang sang ini ang pamangkuton hinali nga nagdalagan kag ila nga ginlagas kag tigayon naman nga nadakpan.
Ginkilala ang mga suspek nga sanday: Rea Casido, 35 anyos, Teodor Casido, 49 anyos, Danny Casido,41 anyos kag Venancio Cadeliña, 60 anyos lunsay sang amo nga lugar.
Nakuha kay Rea kag Teodor ang tag-isa ka knapsack bag kag tag-isa ka granada, t-shirt nga may imprinta nga PKP-50, nakuhaan man si Danny sang isa ka knapsack bag kag isa ka riffle grenade.
Dugang nga mga recoveries ang isa ka granada, anum ka 30 rounds sang K-G9 magazine, isa ka 20 rounds sang K-G9 magazines, 90 ka bala sang 9mm, t-shirt nga may imprinta sang CPP-50 kag iban pa nga mga subersibo nga dokumento.
Ang apat ang yara na sa kustodiya sang katapo sang Manjuyod PNP.
[image: image.png]
