BALAY, NASUNOG! | Pinakauna nga sunog kadungan sang pag-obserba sang fire prevention month, nagluntad sa banwa sang Cuartero

Cuartero, Capiz – Nasunog ang isa ka poluy-an sa Calanza St., Pob. Tacas, Cuartero, Capiz mga 2:30 kaina sang hapon. Madasig nga nagresponde ang mga katapo sang Cuartero Fire Station upod sa augmentation sang Dao BFP, nadeklara nga under control ang sunog.
Nahibaluan nga partially burned ang nasambit nga poluy-an ginapanag-iyahan ni alyas Inday. nagapadayon pa nga imbestigasyon sang Cuartero Fire Station, agud hibaluon ang gintunaan sang kalayo. Wala pa mapahayag ang kabug-usan nga kahalitan tuga sang sunog sa amo nga poluy-an.
Ang Bureau of Fire Protection ang naga-obserba sang fire prevention month, sugod subong nga Marso 1, 2018 apang pinakauna ini fire incident kadungan sang fire prevention month.
(Photo from Cuartero MDRRMO Ronald Guillermo)

Facebook Comments