Ginkalipay sang Department of Education ukon Dep-ed region 6 nga maka-produce na sila sang una nga batch sang graduates sa Senior High School.
Ginpahayag ni Dep-ed 6 Asst. Regional Director Victor de Gracia nga nakunyag na sila nga maka-gradwar na ang una batch sang Senior High School sa maabot nga Abril.
Suno kay de Gracia nga sa bilog nga Western Visayas, may kabug-usan nga 101, 568 ka Senior High School students sa pribado kag pampubliko nga eskuwelahan ang maga-gradwar subong nga tuig.
Angut sini, ginpahayag ni Dr. De Gracia nga ang mga maga-gradwar sa Senior High School ang mahimo na maka-trabaho kon gusto nila ukon makatukod sang kaugalingon nga negosyo.
Subong man, kadam-an sa Senior High Schools nga nagabug-os sang 60% ang pursigido nga magpadayon sa pagtuon kag magkuha sang kurso sa kolehiyo.
